مساجد اور ہماری ذمہ داری

پرفیسرعون محمد سعیدی(مساجد اور ہماری ذمے داریاں)
کعبۃ اللہ اور دنیا کی تمام مسجدیں اللہ تعالیٰ کے گھر ہیں. ان کی آبادی اور تحفظ کے تمام مسلمان مشترکہ طور پر ذمے دار ہیں.
موجودہ وبائی حالات میں جید مستند اور چوٹی کے علماء کرام نیز عامہ مسلمین اس بات پر متفق ہیں کہ مساجد کی تالا بندی کسی صورت قبول نہیں. اور یہی ایک سچے مسلمان کے ایمانِ کامل کی پہچان ہے.
موجودہ حالات میں امت کو امام ابوحنیفہ، امام مالک اور امام احمد بن حنبل کا کردار پیش کرنے کی ضرورت ہے.
حکمرانوں کی الحادی نظر میں مسجد کی حیثیت ایک عام سے اسٹیڈیم اور پارک کی ہے، جو بند ہو یا کھلا اس سے انہیں کوئی فرق نہیں پڑتا.. لیکن ایک مسلمان کی نگاہ ان سے قطعی مختلف ہے، وہ اللہ کے گھر کو اپنا سب کچھ سمجھتا ہے، اس کی بندش یا ویرانی اس کے لیے موت ہے.
حالات کی مجبوری کے تحت مساجد میں اللہ کی عبادت سے روکنے والے بتائیں..
کیا کروڑوں کرنسی نوٹ کرونا کا سبب نہیں بن سکتے؟
کیا روزانہ چھپنے والے لاکھوں اخبار کرونا کا سبب نہیں بن سکتے؟
کیا جو اشیاء خورد و نوش ہزاروں ہاتھوں سے دوسروں تک منتقل ہوتی ہیں وہ کرونا کا سبب نہیں بن سکتیں؟
کیا ہسپتالوں میں لوگوں کی آمد و رفت کرونا کا سبب نہیں بن سکتی؟
کیا لا تعداد فوجی اور پولیس والوں کا جگہ جگہ اکٹھے ہونا کرونا کا سبب نہیں بن سکتا؟
کیا ملک میں جگہ جگہ میڈیا چینلز پہ وہاں کے ملازمین کا جمع ہونا کرونا کا سبب نہیں بن سکتا؟ 
کیا اے ٹی ایم مشینوں پہ لاکھوں لوگوں کا آنا جانا کرونا کا سبب نہیں بن سکتا؟
کیا سرکاری میٹنگز میں سینکڑوں لوگوں کا جمع ہونا کرونا کا سبب نہیں بن سکتا؟ 
کیا میڈیکل سٹورز،یوٹیلیٹی اسٹورز  سبزی منڈیوں اور سبزی فروٹ کی دکانوں  پہ لوگوں کی بڑی تعداد میں آمد و رفت کرونا کا سبب نہیں بن سکتی؟
کیا ان جگہوں پہ کرونا نے نہ آنے کی گارنٹی دی ہوئی ہے اور مساجد میں اپنے آنے کو لازمی قرار دیا ہوا ہے؟
ظالمو! اگر یہ جگہیں اہم ہیں اور احتیاطی تدابیر کے ساتھ یہاں آنا مجبوری ہے تو ان سب سے بڑھ کر خانہ خدا اہم ہے اور وہاں رب کی عبادت سب سے بڑی مجبوری ہے..
اگر کرونا مسجد سے پھیل سکتا ہے تو مذکورہ جگہوں سے اس سے بھی زیادہ پھیل سکتا ہے.
اللہ تعالیٰ کا خوف کرو اور اس کے گھروں کو بے آباد کر کے عذاب کو دعوت نہ دو.
کیا ہی اچھا ہوتا کہ جس طرح تم نے مذکورہ جگہوں کو اہم سمجھ کر وہاں احتیاطی تدابیر کے ساتھ آنے جانے کی اجازت دے رکھی ہے اسی طرح بلکہ اس سے بھی لاکھوں گنا بڑھ کر اللہ کے گھروں کو اہم سمجھتے اور وہاں زبردست ترین احتیاطی تدابیر کے انتظامات کر کے لوگوں کو لاتے اور خود بھی آتے.
لیکن لگتا ہے کہ تمہارے ضمیر مر چکے ہیں اور تمہارے اندر خدا تعالیٰ تک سے بھی لڑنے کی جرات  پیدا ہو چکی ہے.. لہٰذا جاؤ اور خدا سے جنگ کرو، ہم نے حق بات اچھی طرح کھول کر تمہارے سامنے رکھ دی ہے. ہم اپنے رب کی بارگاہ میں سرخ رو ہیں.
اب تم جانو اور خدا جانے.
سندھ میں آج نماز جمعہ کے حوالے سے احکامات جاری کیے گئے ہیں، صرف تین سے پانچ افراد کواجازت ہوگی، کراچی سمیت سندھ دوپہر 12 سے 3 بجے تک مکمل بند رہے گا۔

Comments

Post a Comment

Popular posts from this blog

کلام الامام امامالکلام

Image
مصطفی جانِ رحمت پہ لاکھوں سلام اعلیٰ حضرت مجدددین وملت الشاہ اما م احمدرضا خان علیہ الرحمہ والرضوان کا لکھا ہوا منظوم سلام'' مصطفی جانِ رحمت پہ لاکھوں سلام'' آفاقی شہرتوں کا حامل کلام ہے۔ یہ سلام کل (ایک سو اکہتر)171/اشعار پر مشتمل اردو زبان کا سب سے طویل سلام ہے۔ جس کے ایک ایک شعر میں زبان و بیان، سوز و گداز، معارف و حقائق، سلاست و روانی، قرآن و حدیث اور سیرتِ طیبہ کے جو رموز و اسرار موج زن ہیں وہ امام احمد رضا کی انفرادی شاعرانہ حیثیت کو نمایاں کرتے ہوئے عشقِ رسول صلی اللہ علیہ وسلم میں آپ کی والہانہ وارفتگی کا اظہاریہ بھی ہیں۔ اس سلام کی دیگر خصوصیات میں ایک نمایاں خصوصیت اس کی حسین و جمیل ترتیب ہے۔ اس کا عربی و انگریزی میں ترجمہ ہو چکا ہے، عربی ترجمہ جامعہ ازہر کے استاد حازم محمد احمد محفوظ نے 1999ء میں المنظومۃ السلامیۃ فی مدح خیر البریۃ کے نام سے شائع کرایا۔ جب کہ اس عربی ترجمے کی تشریح و مقدمہ ڈاکٹر حسین نجیب مصری نے لکھا۔ ضرورت اس امرکی تھی کہ ا س بابرکت سلام کے اشعار کو سمجھنے کے لیے سہل اندازمیں شرح کی جائے تاکہ ہرعام وخاص اس مبارک سلام سے ایمانی وروحانی چاشنی...
Read more

علماء انبیاء علھیم السلام کے وارث

Image
علامہ قاضی عبد الرزاق بھترالوی صاحب کا انتقال ؛ ایک سنجیدہ علمی روایت کا خاتمہ  مولانا قاضی عبد الرزاق بھترالوی ( راولپنڈی) علم و فضل کی ایک سنجیدہ و متین روایت کو اپنے ساتھ لے گئے ۔ انا للہ و انا الیہ راجعون درسیات کی ابتدا سے ہی قبلہ قاضی صاحب کا نام نامی دل میں گھر کر گیا تھا۔ گو کہ نہ کبھی ان کو دیکھا نہ گفتگو سنی۔ لیکن اس میں حیرت کی بھی کوئی بات نہیں۔ وہ خود بھی کہاں اس راہ چلے کہ کوئی ان کو دیکھے یا بات  سنے۔ وہ تو قلم کی دنیا کے شہسوار تھے۔ اور زندگی بھر اسی کو اپنا اوڑھنا بچھونا بنائے رکھا۔ ایسا کون شخص ہو گا جس کو عربی و اسلامی درس و تدریس سے واسطہ رہا ہو اور اس نے علامہ بھترالوی کے قلم کی ضیافت سے حظ نہ اٹھایا ہو۔  یاد آتا ہے کہ ہم لوگ فقہ کی بنیادی درسی کتاب "نور الایضاح" پر تحریر کردہ علامہ صاحب کے حواشی بہت شوق سے پڑھا کرتے تھے۔ ان حواشی کی خصوصیت یہ تھی کہ ایک تو بہت عمدہ نکات پر مشتمل ہوتے تھے۔ دوسرے یہ کہ نہایت سہل اور رواں عربی زبان میں ہوتے تھے جس سے ہمیں یہ فائدہ حاصل ہوتا کہ کتاب کا متن بھی خوب واضح ہو جاتا ، متن سے جڑی ہوئی کئی مفید علمی و فقہی ابحاث بھی...
Read more

نہ کوئ گل باقی رہے گا

Image
تحریر : پروفیسر عون محمد سعیدی مصطفوی بہاولپور  *آہ! آبروئے علم و قلم،سید محمد فاروق القادری* یہ میرا طالب علمی کا زمانہ تھا، جب میں کتابوں کے عشق میں ملتان کے ایک ایک مکتبے کی خاک چھانتا تھا اور کئی کئی گھنٹے ہر ہر علم و فن کی کتابیں اٹھا اٹھا کر ان کی ورق گردانی کرتا تھا ، یہاں تک کہ  مکتبے والا تنگ آ کر مجھے صراحتا یا کنایتا روانگی کا عندیہ دیتا..  اسی دوران سید محمد فاروق القادری کی کتب *انفاس العارفين کا ترجمہ* اور *فاضل بریلوی اور امور بدعت* میری نظر سے گزریں، کتابیں بھی بہت پسند آئیں نیز مترجم و مصنف کے نام کے ساتھ گڑھی اختیار خان بہاولپور لکھا دیکھ کر ملنے کا بھی اشتیاق پیدا ہوا.   تب ذہن میں خیال تھا کہ گڑھی اختیار خان شاید بہاولپور شہر کا کوئی مضافاتی علاقہ ہے ، سو جب ایک مرتبہ ملتان سے بہاولپور اپنے گھر والدین سے ملنے  آیا تو سخت گرمی کے باوجود سائیکل اٹھائی اور سید محمد فاروق القادری کو ڈھونڈنے بہاولپور ریلوے اسٹیشن سے پار نکل گیا.. وہاں میں لوگوں سے پوچھتا پھر رہا تھا کہ گڑھی اختیار خان کس طرف ہے؟ کوئی کہتا پتہ نہیں ہے اور کوئی کہتا فلاں سمت چلے جاؤ شاید اس طرف ہو گا، کئی ...
Read more